مع إن كل البشر من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!
عجبى عليك . . عجبى عليك يا زمن
يــا بو البدع يا مبــّــكى عينى دماً
إزاى أختــار لروحـــى طـــريـــــق
وأنا اللى داخل فى الحياة مرغمــاً
عجبى !!
مرغم عليك يا صبح مغصوب يا ليل
لا دخلتها برجليا ولا كـا نـــلـى ميل
شايليننى شـيل دخلت أنا فى الحياة
وبــره حـ اخرج منهــا شايليننى شــيل
عجبى !!
سنوات وفايتة عليـا فوج بعد فوج
واحدة خـــدتنى ابن والتانية زوج
والتالتة أب خـــدتنى والرابعة إيه
إيه يعمل إللى بيحدفه موج لمـوج ؟
عجبى !!
وأنا فى الضلام . . من غير شعاع يهتكه
أقف مكانى بخوف ولا أتركـــــــــــــــه
ولما ييجى النور واشوف الــــــــــدروب
أحتار زيادة . . أيهـــــــم أسلكـــــــــــه ؟
عجبى !!
نظرت فى الملكوت كتيــر وانشغلت
وبكل كلمة (ليه؟) و (عشانيه ) سألت
أسأل سؤال . . الرد يرجـــع ســــــؤال
واخرج وحيرتى أشد مما دخلـــــــت
عجبى !!
خرج ابن آدم مـ العدم قلت : يـاه
رجع ابن آدم للعدم قلت : يـاه
تراب بيحيا . . وحى بيصــــير تراب
الأصل هو المــوت والا الحيــــاة ؟
عجبى !!
ياما صدفت صحاب وما صاحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش
عجبى !!
والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبى !!
غدر الزمان يا قلبى ما لهوش أمان
وحاييجى يوم تحتاج لحبة إيمان
قلبى ارتجف وسألنى . . أأمن بإيه ؟
أأمن بإيه محتار بقالى زمان
عجبى !!
يا باب أيا مقفول . . إمتى الدخول
صبرت ياما واللى يصبر ينول
دقيت سنين . . والرد يرجع لى : مين ؟
لو كنت عارف مين أنـا . . كنت أقول
عجبى !!
أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!
سهّير ليالى وياما لفيت وطفت
وفـ ليلة راجع فى الضلام قمت شفت
الخوف . . كأنه كلب سد الطريق
وكنت عاوز أقتله . . بس خفت
عجبى !!
عجبتنى كلمة من كلام الورق
النور شرق من بين حروفها وبرق
حبيت اشيلها فـ قلبى . . قالت حرام
ده أنا كل قلب دخلت فيه اتحرق
عجبى !!
رقبة قزازرة وقلبى فيها انحشر
شربت كاس واتنين وخامس عشر
صاحبت ناس مـ الخمرة ترجع وحوش
وصاحبت ناس مـ الخمرة ترجع بشر
عجب !!
يوم قلت آه . . سمعونى قالوا فســد
ده كان جدع قلبه حديد واتحســد
رديت على الــلايمين أنا وقلت . . آه
لو تعرفوا معنى زئــير الأسد
عجبى !!
أنا قلبى كان شخشيخة أصبح جرس
جلجلت بـه صحيوا الخدم والحرس
أنـا المهرج . . قمتوا ليه خفتوا ليه
لافـ إيدى سيـف ولا تحت منى فرس
عجبى !!
دخل الربيع يضحك لقانى حزين
نده الربيع على إسمى لم قلت مين
حط الربيع أزهاره جنبى وراح
وايش تعمل الأزهار للميتين
عجبى !!
ليه يا حبيبتى ما بينا دايماً سفر
ده البعد ذنب كبير ر يغتفر
ليه يا حبيبتى ما بيننا دايماً بحور
أعدى بحر ألاقى غيره اتحفر
عجبى !!
ورا كل شباك ألف عين مفتوحين
وانا وانتى ماشيين يا غرامى الحزين
لو التصقنا نموت بضربة حجر
ولو افترقنا نموت متحســرين
عجبى !!
يا قرص شمس ما لهش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشيين حياة مؤلمة
عجبى !!
إيش تطلبى يا نفس فوق كل ده
حظك بيضحك وانتى متنكده
ردت قالت لى النفس : قول للبشر
ما يبصوليش بعيون حزيبة كده
عجبى !!
إقلع غماك يا تور وارفض تلف
إكسر تروس الساقية واشتم وتف
قال : بس خطوة كمان .. وخطوة كمان
يا وصل لنهاية السكة يا البير يجف
عجبى !!
فى يوم صحيت شاعر براحة وصفا
الهم زال والحزن راح واختفى
خدنى العجب وسألت روحى سؤال
أنا مت ؟ .. والا وصلت للفلسفه ؟
عجبى !!
الفيلسوف قاعد يفكر سيبوه
لا تعملوه سلطان ولا تصلبوه
ما تعرفوش إن الفلاسفة ياهوه
اللى يقولوه يرجعوا يكدبوه ؟
عجبى !!
ــ يا نجم نورك ليه كده بيرتجف ؟
هو انت قنديل زيت ؟ .. أو تختلف ؟
ــ أنـا نجم عالى .. بس عالى قوى
وكـل ما انظر تحت اخاف انحدف
عجبى !!
وقفت بين شطين على قنطرة
الكدب فين والصدق فين يا ترى
محتار حـ اموت .. الحوت خرج لى وقال
هو الكلام يتقاس بالمسطرة ؟
عجبى !!
دى مذكرات وكتبتها من سنين
فى نوتة زرقا لون بحور الحنين
عترت فيها .. رميتها فى المهملات
وقلت أما صحيح كلام مخبولين
عجبى !!
أنا كنت شىء وصبحت شىء ثم شىء
شوف ربنا .. قادر على كل شىء
هز الشجر شواشيه ووشوشنى قال:
لابد ما يموت شىء عشان يحيا شىء
عجبى !!
فارس وحيد جوه الدروع
رفرف عليه عصفور وقال له نشيد
منين منين .. ولفين لفين يا جدع ؟
قال من بعيد ولسه رايح بعيد
عجبى !!
إنشد يا قلبى غنوتك للجمال
وارقص فى صدرى من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
عجبى !!
ياللى عرفت الحب يوم وانطوى
حسّك تقول مشتاق لنبع الهوى
حسّك تقول مشتاق لنبع الغرام
ده الحب .. مين داق منه قطرة .. ارتوى
عجبى !!
إيديا فى جيوبى وقلب طرب
سارح فى غربة بس مش مغترب
وحدى لكين ونسان وماشى كده
وبابتعد .. ما اعرفش .. أو باقترب
عجبى !!
يا ميت ندامة عـ القلوب الخلا
لا محبة فيها ولا كراهة ولا
حتى يا قلبى الحزن ما عادش فيك
معلهش .. لك يوم برضه راح تتملى
عجبى !!
أوصيك يا إبنى بالقمر والزهور
أوصيك بليل القاهرة المسحور
وان جيت فى بالك .. إشترى عقد فل
لأى سمرا .. وقبرى إوعك تزور
عجبى !!
غمش عينيك وارقص بخفة ودلع
الدنيا هى الشابة وانت الجدع
تشوف رشاقة خطوتك تعبدك
لكن انت لو بصيت لرجليك .. تقع
عجبى !!
حاسب من الأحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت أحزان من قبلها ؟
عجبى !!
يأسك وصبرك بين إيديك وانت حر
تيأس ما تيأس الحياه راح تمر
أنا دقت مندا ومندا عجبى لقيت
الصبر مر وبرضك اليأس مر
عجبى !!
ولدى نصحتك لما صوتى اتنبح
ماتخافش من جنى ولا من شبح
وان هب فيك عفريت قتيل اسأله
ما دافعش ليه عن نفسه يوم مااندبح ؟
عجبى !!
أنا اللى بالأمر المحال اغتوى
شفت القمر نطيت لفوق فى الهوا
طلته ماطلتوش إيه انا يهمنى
وليه .. مادام بالنشوة قلبى ارتوى
عجبى !!
يا عندليب ماتخافش من غنوتك
قول شكوتك واحكى علو بلوتك
الغنوة مش حـ تموتك إنما
كتم الغنا هو اللى حـ يموتك
عجبى !!
حقرا وفوق كوكب حقير محتقر
فى الكون تكون دنياكو إيه يا بقر
رملاية من صحرا !؟ .. لكين إيش تقول
والكون بحاله جوه عقل البشر
عجبى !!
لا تجبر الإنسان ولا تخيره
يكفيه ما فيه من عقل بيحيره
اللى انهارده بيطلبه وبيشتهيه
هو اللى بكره حـ يشتهى يغيره
عجبى !!
أحسن ما فيها العشق والمعشقة
وشويتين الضــحــك والتــريقـــة
شفت الحياة , لفيت , لقيت الألذ
تغييرها , وده يعنى التعب والشقا
عجبى !!
يا وردة قلبى معاكى فى الريح لعب
لا تعبتى مـ الريح ولا قلبى تعب
احنا كده : نرتاح فى ضخب الجنون
وفى السكوت بنخاف قوى ونترعب
عجبى !!
أنا قلبى كوكب وانطلق فى المدار
حواليكى يا محبوبتى يا نور ونار
يلف مهما يلف ما بيكــتفيش
وتمللى نصه ليل ونصه نهار
عجبى !!
الضحك قال يا سم عـ التكشير
أمشير وطوبة وانا ربيعى بشير
مطرح ما باظهر بانتصر عـ العدم
انشالله اكون رسماية طباشير
عجبى !!
ـــــــــــــــــــــ ـ
المتألق دائماً صلاح جاهين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!
عجبى عليك . . عجبى عليك يا زمن
يــا بو البدع يا مبــّــكى عينى دماً
إزاى أختــار لروحـــى طـــريـــــق
وأنا اللى داخل فى الحياة مرغمــاً
عجبى !!
مرغم عليك يا صبح مغصوب يا ليل
لا دخلتها برجليا ولا كـا نـــلـى ميل
شايليننى شـيل دخلت أنا فى الحياة
وبــره حـ اخرج منهــا شايليننى شــيل
عجبى !!
سنوات وفايتة عليـا فوج بعد فوج
واحدة خـــدتنى ابن والتانية زوج
والتالتة أب خـــدتنى والرابعة إيه
إيه يعمل إللى بيحدفه موج لمـوج ؟
عجبى !!
وأنا فى الضلام . . من غير شعاع يهتكه
أقف مكانى بخوف ولا أتركـــــــــــــــه
ولما ييجى النور واشوف الــــــــــدروب
أحتار زيادة . . أيهـــــــم أسلكـــــــــــه ؟
عجبى !!
نظرت فى الملكوت كتيــر وانشغلت
وبكل كلمة (ليه؟) و (عشانيه ) سألت
أسأل سؤال . . الرد يرجـــع ســــــؤال
واخرج وحيرتى أشد مما دخلـــــــت
عجبى !!
خرج ابن آدم مـ العدم قلت : يـاه
رجع ابن آدم للعدم قلت : يـاه
تراب بيحيا . . وحى بيصــــير تراب
الأصل هو المــوت والا الحيــــاة ؟
عجبى !!
ياما صدفت صحاب وما صاحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش
عجبى !!
والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبى !!
غدر الزمان يا قلبى ما لهوش أمان
وحاييجى يوم تحتاج لحبة إيمان
قلبى ارتجف وسألنى . . أأمن بإيه ؟
أأمن بإيه محتار بقالى زمان
عجبى !!
يا باب أيا مقفول . . إمتى الدخول
صبرت ياما واللى يصبر ينول
دقيت سنين . . والرد يرجع لى : مين ؟
لو كنت عارف مين أنـا . . كنت أقول
عجبى !!
أنا شاب لكن عمرى ولا ألف عام
وحيد ولكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!
سهّير ليالى وياما لفيت وطفت
وفـ ليلة راجع فى الضلام قمت شفت
الخوف . . كأنه كلب سد الطريق
وكنت عاوز أقتله . . بس خفت
عجبى !!
عجبتنى كلمة من كلام الورق
النور شرق من بين حروفها وبرق
حبيت اشيلها فـ قلبى . . قالت حرام
ده أنا كل قلب دخلت فيه اتحرق
عجبى !!
رقبة قزازرة وقلبى فيها انحشر
شربت كاس واتنين وخامس عشر
صاحبت ناس مـ الخمرة ترجع وحوش
وصاحبت ناس مـ الخمرة ترجع بشر
عجب !!
يوم قلت آه . . سمعونى قالوا فســد
ده كان جدع قلبه حديد واتحســد
رديت على الــلايمين أنا وقلت . . آه
لو تعرفوا معنى زئــير الأسد
عجبى !!
أنا قلبى كان شخشيخة أصبح جرس
جلجلت بـه صحيوا الخدم والحرس
أنـا المهرج . . قمتوا ليه خفتوا ليه
لافـ إيدى سيـف ولا تحت منى فرس
عجبى !!
دخل الربيع يضحك لقانى حزين
نده الربيع على إسمى لم قلت مين
حط الربيع أزهاره جنبى وراح
وايش تعمل الأزهار للميتين
عجبى !!
ليه يا حبيبتى ما بينا دايماً سفر
ده البعد ذنب كبير ر يغتفر
ليه يا حبيبتى ما بيننا دايماً بحور
أعدى بحر ألاقى غيره اتحفر
عجبى !!
ورا كل شباك ألف عين مفتوحين
وانا وانتى ماشيين يا غرامى الحزين
لو التصقنا نموت بضربة حجر
ولو افترقنا نموت متحســرين
عجبى !!
يا قرص شمس ما لهش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشيين حياة مؤلمة
عجبى !!
إيش تطلبى يا نفس فوق كل ده
حظك بيضحك وانتى متنكده
ردت قالت لى النفس : قول للبشر
ما يبصوليش بعيون حزيبة كده
عجبى !!
إقلع غماك يا تور وارفض تلف
إكسر تروس الساقية واشتم وتف
قال : بس خطوة كمان .. وخطوة كمان
يا وصل لنهاية السكة يا البير يجف
عجبى !!
فى يوم صحيت شاعر براحة وصفا
الهم زال والحزن راح واختفى
خدنى العجب وسألت روحى سؤال
أنا مت ؟ .. والا وصلت للفلسفه ؟
عجبى !!
الفيلسوف قاعد يفكر سيبوه
لا تعملوه سلطان ولا تصلبوه
ما تعرفوش إن الفلاسفة ياهوه
اللى يقولوه يرجعوا يكدبوه ؟
عجبى !!
ــ يا نجم نورك ليه كده بيرتجف ؟
هو انت قنديل زيت ؟ .. أو تختلف ؟
ــ أنـا نجم عالى .. بس عالى قوى
وكـل ما انظر تحت اخاف انحدف
عجبى !!
وقفت بين شطين على قنطرة
الكدب فين والصدق فين يا ترى
محتار حـ اموت .. الحوت خرج لى وقال
هو الكلام يتقاس بالمسطرة ؟
عجبى !!
دى مذكرات وكتبتها من سنين
فى نوتة زرقا لون بحور الحنين
عترت فيها .. رميتها فى المهملات
وقلت أما صحيح كلام مخبولين
عجبى !!
أنا كنت شىء وصبحت شىء ثم شىء
شوف ربنا .. قادر على كل شىء
هز الشجر شواشيه ووشوشنى قال:
لابد ما يموت شىء عشان يحيا شىء
عجبى !!
فارس وحيد جوه الدروع
رفرف عليه عصفور وقال له نشيد
منين منين .. ولفين لفين يا جدع ؟
قال من بعيد ولسه رايح بعيد
عجبى !!
إنشد يا قلبى غنوتك للجمال
وارقص فى صدرى من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
عجبى !!
ياللى عرفت الحب يوم وانطوى
حسّك تقول مشتاق لنبع الهوى
حسّك تقول مشتاق لنبع الغرام
ده الحب .. مين داق منه قطرة .. ارتوى
عجبى !!
إيديا فى جيوبى وقلب طرب
سارح فى غربة بس مش مغترب
وحدى لكين ونسان وماشى كده
وبابتعد .. ما اعرفش .. أو باقترب
عجبى !!
يا ميت ندامة عـ القلوب الخلا
لا محبة فيها ولا كراهة ولا
حتى يا قلبى الحزن ما عادش فيك
معلهش .. لك يوم برضه راح تتملى
عجبى !!
أوصيك يا إبنى بالقمر والزهور
أوصيك بليل القاهرة المسحور
وان جيت فى بالك .. إشترى عقد فل
لأى سمرا .. وقبرى إوعك تزور
عجبى !!
غمش عينيك وارقص بخفة ودلع
الدنيا هى الشابة وانت الجدع
تشوف رشاقة خطوتك تعبدك
لكن انت لو بصيت لرجليك .. تقع
عجبى !!
حاسب من الأحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت أحزان من قبلها ؟
عجبى !!
يأسك وصبرك بين إيديك وانت حر
تيأس ما تيأس الحياه راح تمر
أنا دقت مندا ومندا عجبى لقيت
الصبر مر وبرضك اليأس مر
عجبى !!
ولدى نصحتك لما صوتى اتنبح
ماتخافش من جنى ولا من شبح
وان هب فيك عفريت قتيل اسأله
ما دافعش ليه عن نفسه يوم مااندبح ؟
عجبى !!
أنا اللى بالأمر المحال اغتوى
شفت القمر نطيت لفوق فى الهوا
طلته ماطلتوش إيه انا يهمنى
وليه .. مادام بالنشوة قلبى ارتوى
عجبى !!
يا عندليب ماتخافش من غنوتك
قول شكوتك واحكى علو بلوتك
الغنوة مش حـ تموتك إنما
كتم الغنا هو اللى حـ يموتك
عجبى !!
حقرا وفوق كوكب حقير محتقر
فى الكون تكون دنياكو إيه يا بقر
رملاية من صحرا !؟ .. لكين إيش تقول
والكون بحاله جوه عقل البشر
عجبى !!
لا تجبر الإنسان ولا تخيره
يكفيه ما فيه من عقل بيحيره
اللى انهارده بيطلبه وبيشتهيه
هو اللى بكره حـ يشتهى يغيره
عجبى !!
أحسن ما فيها العشق والمعشقة
وشويتين الضــحــك والتــريقـــة
شفت الحياة , لفيت , لقيت الألذ
تغييرها , وده يعنى التعب والشقا
عجبى !!
يا وردة قلبى معاكى فى الريح لعب
لا تعبتى مـ الريح ولا قلبى تعب
احنا كده : نرتاح فى ضخب الجنون
وفى السكوت بنخاف قوى ونترعب
عجبى !!
أنا قلبى كوكب وانطلق فى المدار
حواليكى يا محبوبتى يا نور ونار
يلف مهما يلف ما بيكــتفيش
وتمللى نصه ليل ونصه نهار
عجبى !!
الضحك قال يا سم عـ التكشير
أمشير وطوبة وانا ربيعى بشير
مطرح ما باظهر بانتصر عـ العدم
انشالله اكون رسماية طباشير
عجبى !!
ـــــــــــــــــــــ ـ
المتألق دائماً صلاح جاهين
:)
ردحذف